(古月金帛部落格)
雨落煞，打算伽早起床，欲共拋荒兮菜園，整理理兮，趁菜股塗面澹澹，塗鬆軟，薅草有伽省氣力，連鞭日頭若出，赤焱焱，誠鑿目，看去目睭強欲起煙霧，透早薅 草，烏蝛仔濟，踮身軀邊颺颺飛，面若掩無密，喙䫌、額頭連鞭叮咧幾落劉噗，誠夭壽，無想欲殺生，一透早煞開殺戒。天袂光，蹛庄內駛鐵牛仔兮阿仲兄，鐵牛聲 噗噗叫，對厝前經過，這站仔，拄著落大雨，做嗇人進前掖兮九層塔、芥菜，菜嬰仔，嗾雨了後，日頭出來一熁，規坵菜，黃黃蔫蔫毋成物去，田愛
重紡，鐵牛仔一坵一坵共作田人心血綴咧紡入田塗裡。
才閬月外日，野草閣發介滿四界，攑一支草刀仔，欲來割割刜刜咧，看到ㄧ欉見笑草，覆咧塗跤，莖湠開五枝，旋尺外長，用手共動看覓咧，伊兮葉仔著連鞭勼勼， 頕垂仔頕垂，誠閉思，看起來誠心適，毋甘給薅挕捒，提一个花坩來徙栽，準備三不五時仔，通好共創治。年頭墊兩稜蕃薯，經過三個半月共摒起來，甘焦生幾條仔 拳頭母大兮蕃薯，佮規摜若手指頭仔安呢兮蕃薯根仔，收成後，拄到熱天，菜僫顧，菜園放予拋荒。真奇？想袂到蕃薯稜彼搭，煞生湠歸遍兮蕃薯藤，佮野草咧爭地 盤，無共看顧，閣發佮者茂。莫怪，有句俗語：『蕃薯毋驚落塗爛，央求枝葉代代湠』，嘛有人共伊兮生命力，比喻臺灣人家己是蕃薯仔囝；閣有一句講：『時到時 當，無米才煮蕃薯箍湯』、、、、。毋管是傳承、韌性、抑是後路，蕃薯予人攏是正面兮比喻。
蕃薯佇五、六十年代，毋止是豬仔兮飼食，嘛是散食人兮主食，厝裡三頓，飯坩掀開，裡面滇滇兮蕃薯簽，做嗇人粗重兮工課，蕃薯飯食幾落碗才會飽；記得細漢 時，半晡讀冊轉來，腹肚若枵，著走去間仔，提椅子跂跤，夯一支大煎匙，靠咧灶頭，挖鼎底崁佇蕃薯菜下兮蕃薯，共皮剝掉，搵一點仔鹽，佇無四秀仔兮時代，是 阮遮兮囡仔上好兮點心。佇徛秋，抑是風颱兮季節，四常落雨，搪當佇蔬菜浸爛死死去時，蕃薯葉仔卻是此時「物美價廉」兮菜蔬。
生活綴咧改變，一寡有歲兮老大人，講著早前，蕃薯予人食佮厭青驚。即嘛，食食富足，大魚大肉了後，才會想到買粗俗兮蕃薯來治便秘。莫怪，定定聽序大人咧 講：『蕃薯救人無功勞』。是咧講蕃薯對臺灣人功勞誠大，若無蕃薯，人民早著肌荒枵死矣。即嘛，根據專家研究，加食蕃薯，有益人體健康；蕃薯葉仔，有助抗氧 化，是現代人兮健康菜蔬。
發規遍，茂閣媠兮蕃薯藤，拄好薅來剁幼幼，好濫落去新鮮果皮，來做環保酵素，留一寡通好作種，打算地若整理好，共墊咧予伊枝葉代代湠。
才閬月外日，野草閣發介滿四界，攑一支草刀仔，欲來割割刜刜咧，看到ㄧ欉見笑草，覆咧塗跤，莖湠開五枝，旋尺外長，用手共動看覓咧，伊兮葉仔著連鞭勼勼， 頕垂仔頕垂，誠閉思，看起來誠心適，毋甘給薅挕捒，提一个花坩來徙栽，準備三不五時仔，通好共創治。年頭墊兩稜蕃薯，經過三個半月共摒起來，甘焦生幾條仔 拳頭母大兮蕃薯，佮規摜若手指頭仔安呢兮蕃薯根仔，收成後，拄到熱天，菜僫顧，菜園放予拋荒。真奇？想袂到蕃薯稜彼搭，煞生湠歸遍兮蕃薯藤，佮野草咧爭地 盤，無共看顧，閣發佮者茂。莫怪，有句俗語：『蕃薯毋驚落塗爛，央求枝葉代代湠』，嘛有人共伊兮生命力，比喻臺灣人家己是蕃薯仔囝；閣有一句講：『時到時 當，無米才煮蕃薯箍湯』、、、、。毋管是傳承、韌性、抑是後路，蕃薯予人攏是正面兮比喻。
蕃薯佇五、六十年代，毋止是豬仔兮飼食，嘛是散食人兮主食，厝裡三頓，飯坩掀開，裡面滇滇兮蕃薯簽，做嗇人粗重兮工課，蕃薯飯食幾落碗才會飽；記得細漢 時，半晡讀冊轉來，腹肚若枵，著走去間仔，提椅子跂跤，夯一支大煎匙，靠咧灶頭，挖鼎底崁佇蕃薯菜下兮蕃薯，共皮剝掉，搵一點仔鹽，佇無四秀仔兮時代，是 阮遮兮囡仔上好兮點心。佇徛秋，抑是風颱兮季節，四常落雨，搪當佇蔬菜浸爛死死去時，蕃薯葉仔卻是此時「物美價廉」兮菜蔬。
生活綴咧改變，一寡有歲兮老大人，講著早前，蕃薯予人食佮厭青驚。即嘛，食食富足，大魚大肉了後，才會想到買粗俗兮蕃薯來治便秘。莫怪，定定聽序大人咧 講：『蕃薯救人無功勞』。是咧講蕃薯對臺灣人功勞誠大，若無蕃薯，人民早著肌荒枵死矣。即嘛，根據專家研究，加食蕃薯，有益人體健康；蕃薯葉仔，有助抗氧 化，是現代人兮健康菜蔬。
發規遍，茂閣媠兮蕃薯藤，拄好薅來剁幼幼，好濫落去新鮮果皮，來做環保酵素，留一寡通好作種，打算地若整理好，共墊咧予伊枝葉代代湠。
